Isang makapanindig na balahibong kaganapan, ang maswerteng namataan ng ilang residente, kung saan, nagsisilakihang barkong pandigma, eroplano't helicopters, at maging mga tanke na kayang makatawid sa tubig, ang bumungad sa pangpang ng kanilang barangay.
At dahil nga sa kakaibang presensyang dating ng nasabing mga sasakyan. di maiwasang magsihiyawan, ng mga tao sa naturang lugar, dahil narin sa kagalakan na makita nila ito ng malapitan.
Ang nasabing kaganapan, ay pinangunahan ng Hukbong Dagat, Hukbong Panghimpapawid, at Panglupa ng Pilipinas, na kung saan, ang eksena ay mistulang nasa gerang pinikula lang makikita.
Ang mga nagsisilakihang barko ng hukbong dagat ng Pilipinas, na kasamang namataan sa nasabing pagsasanay, ay kinabibilangan ng tatlong Capital Ships nito. ito ay ang BRP Tarlac, na nagsilbing Landing Dock Platform kung saan lumabas ang assault amphibious vehicles nito, BRP Andres Bonifacio na katatapos lang dumaan sa ilang upgrades, kabilang nga dito ang paglagay ng Mk38 25mm machine gun system. at ang ikatlong Capital Ship ay ang bagong pasinayang ikalawang Missile Frigate ng Bansa na walang iba kundi ang BRP Antonio Luna.
Makikita rin ang ilang Super Tucano na makailang ulit na lumipad ng mababa, maging ang BN Islander ng Navy halos sumayad na sa dalampasigan dahil sa isinagawang low passes nito. Kasama ring namataan ng malapitan ang AW109 Light Attack Helicopter.
Ang nasabing kaganapan ay isinagawa sa Sitio Catwayan, Poblacion, Patnongon, Antique. nitong ika 18 ng Nobyembre taong kasalukuyan.
No comments:
Post a Comment