Bagong Overhauled Na Bagon Umabot Na Ng 43

Umakyat na sa 43 ang bilang ng mga bagong overhaul na bagon na napatakbo ng pamunuan ng MRT-3 sa mainline matapos madagdagan ito ng dalawa kahapon, ika-9 ng Pebrero 2022.

Kung saan anya, mabusisi at masusing serye ng mga speed at quality checks ang pinagdaanan ng mga train cars o bagon upang masigurong ligtas sakyan ng mga pasahero. 

Sinasabing ang general overhauling ng mga bagon ng MRT-3 ay bahagi ng malawakan at komprehensibong rehabilitasyon ng nasabing rail line.

Ayon sa ahensya, Sa kasalukuyan, 29 na lamang sa kabuuang 72 na bagon ng MRT-3 ang naka-ischedule ma-overhaul ng maintenance provider ng linya. Ang isang tren ay binubuo ng tatlong (3) bagon. Nasa 17 hanggang 21 tren ang tumatakbo sa kasalukuyan sa mainline. 

Lumalabas na nananatili na nasa 70% ang passenger capacity ng mga tren, na may katumbas na 276 na pasahero kada train car,at 827 na pasahero naman kada train set.